Aktuell

23.10.2017 / mh

 

Probesunntig 1.0

 

Gege 0900 Uhr wär mol s ihtrudle in der March ahdenkt gsii. Doch dr eint oder dr Anger isch halt erst uf s z Mittagässe cho. Us dem Grund hett me e russische Inkassobär loh ihfliege wo dere Sach nochegoht. Nichts desto trotz hei mir de Sunntig guet chönne nutze. Die zwei neue Lieder wo mer bereits in de Probe ahgluegt hei sind jetzt im Gsamtpaket guet spiel- und losbar. Bis zum Probesunntig 2.0 goht no vill Wasser dr Rhyy ab und denn stoi no 2 witeri neui Lieder ufem Programm. Denn hoffentlich ohni verspötige.


26.09.2017 / mh

 

STATUSBERICHT

 

D Probe hei wieder ahgfange und motiviert sind mir ind Saison 2017/2018 gstartet. Mit viele neue Gsichter isch eusi Mitgliederzahl e witersmol ahgstiege. S nächste wo vor dr Tüüre stoht isch somit dr Probesunntig wo am 22. Oktober 2017 stattfinde wird. Drufffolgend chunnt denn scho glii eusi Mega Gugge Party, wo am 11.11.2017 über d Bühni goh wird. Mir hoffe natürlig uf Zahlriichi Bsuecher und scheue kei Müäh mit dr Dekoration und Gstaltig vo dem Oobä.


10.04.2017 / mh

 

Wiederum isch e Johr vergange und am 08.04.2017 hei mir die 35. ordentlichi Generalversammlig im Rest. Gilgenberg chönne duuräfierä. Punkt 18.00 Uhr hett dr Apero ahgfange, einigi hei natürli scho vorhär bi dem Prachtswätterli in dr Gartebeiz, chönnä e Chüehli Blondi stelle. Drnoch sin mir vom Daimi kulinarisch verköstigt wordä, s hett Schnitzel mit vierkant-Röschti gehh. Pünktlich am 20 ab 8i hett denn dr Präsi dr offizielli Teil eröffnet, mit em Traktandum 1., nämlich dr Begrüessig, isch das Business ins rollä cho. Die wichtigste Eckdate: 34 Aktivi Mitglieder a dere Fasnacht, 5 Neuufnahme und e neus Ehremitglied. Dr Rest vom Business isch Beigemüse ;-). Schliesslich hetts denn au no e Dessert gehh, während däm sich d Hambis uf ihri Ufnahm vorbereitet heii. Dr Beni isch Rookie des Jahres worde und dörf ab em September in jedere Prob sis Chrönli ah haa, bis zur Fasnacht xD !!!!

 

D Geisseschränzer bedanke sich bi allne wo eus das Johr in irgendere Form unterstützt hei und mer freue eus bereits jetzt uf die kommendi Saison.

 

Bereits mitti Mai gohts witer mit dä Banntagprobe, wo sich au interessierti choi melde, zum cho Guggeluft schnuppere.


08.02.2017 / nw

Bericht Skiweekend

Sehr früh haben  sich am letzten Samstag (4. Februar 2017) 16 Geissen  im Probelokal versammelt um gemeinsam ein tolles Skiweekend zu verbringen . Punkt 05.45 Uhr waren wir startklar und fuhren Richtung  Lenzerheide .

 

Nach nicht allzu kurzer Zeit trafen wir im Hotel ein und haben unser Quartier bezogen. Wir legten unsere Bretter auf die Piste und genossen die erste Abfahrt. Trotz mässigen Wetterbedingungen, denke ich, haben wir alle die erste Abfahrt geniessen können. Natürlich durfte auch ein Apéro nicht fehlen. Am Abend haben wir uns an einem leckeren Abendessen erfreuen dürfen. Auch geselliges Beisammensein, Lachen und feiern kamen nicht zu kurz.  Am nächsten Morgen waren wir alle wieder bereit für die Piste. Leider verging die Zeit wie im Flug und um 15.00 versammelten wir uns im Hotel um wieder abzureisen.

 

Auf dem Heimweg hatten wir stockenden Verkehr, und kamen erst wieder um 20.00 in Zullwil an. Müde von der Heimreise haben wir uns von den Teilnehmern und dem diesjährigen Skiweekend verabschiedet. Noch einmal ein grosses Dankeschön an Sabrina Altermatt für die ganze Organisation und an die Fahrer für die angenehme Reise.


30.01.2017 / mh

 

So nach dr gestrige Marschprob isch klar erkennbar wo mir no Defizit heii... Definitiv bim Wecker stellä ;-)

S isch e schöne Sunntig gsii und d Temperature hei tip top zu dr Marschprob passt... Glii choit ihr d Föteli vo dr Marschprob und s Video uf eusere Homepage ahluege.... Negst weekend simmer in de Skiferie und melde uns denn wieder fasnächtlich am 11.02.2017 ahh, wenn mir nämli z Liesberg a dr Schwaneparty spiiilä.


26.01.2017 / mh

 

Am Sunntig 29.01.2017 09.30 Uhr heii mir Marschprob. Wer Lust und Luunä hett, cha gern id Witterachstross z Zubel cho mitloose. Gern wecke mir d Zubler bevölkerig amene Sunntig am halbi 10i am morgä ;-)


14.01.2017 / mh

 

Soo au mir hei dr ersti grossi Uftritt hinger eus. Am Samstig 14.01.2017 hei mir am Hilari z Breitebach bi de Hirzefäger dörfe uf dr Bühni eine aneschmättere. Gut gelaunt hei mir idr Halle im Grien glaub kei schlächtä Uftritt anegleit. Für die neue ischs die ersti grossi Füürprob gsii. Für die ältere denn doch scho eher e Routine. Merci an alli wo cho sii und mit eus gfestet heii. Au e merci an euse Outgsourcte Fotograf vo de Ohregrübler (Döner) und an Dj Dave S wo euse Uftritt professionell mit sinere GoPro verfolgt hett.

 

Glii gohts witer mit de negste Uftritt... ;-)